Top
Image Alt

Faccna فاكنا

  /  التوجيه الجامعي   /  الإجازة في التربية و التعليم – كل التفاصيل

الإجازة في التربية و التعليم – كل التفاصيل

الإجازة في التربية و التعليم

المحتوى:

لمحة عن الشعبة :

نظام الدراسة : 3 سنوات (إمد) // السن القصوى : 21 سنة في غرة أكتوبر // الشعبة تتطلب اختبار  . 

صيغة احتساب مجموع النقاط : FG(AR+FR)/2

مفتوحة لكل الشعب(ص79-80 من دليل التوجيه الجامعي)

  • شعبة التربية و التعليم الهدف الأساسي منها تحسين جودة التعليم التونسي. قراية ساهلة و نسقها موش قوي برشة ،تخدم تلقى و برشا حاجات قارينهم قبل . 
  • تقرى مواد أدبية + علمية : و حتى موسيقى و تشكيلية و مواد جديدة تابعة الاختصاص .
  • فما ستاجات تدريس في العامين 2 و 3
وين تنجم تقراها ؟
  • المعهد العالي للدراسات التطبيقية في الإنسانيات بزغوان
  • المعهد العالي للدراسات التطبيقية في الإنسانيات بتوزر
  • المعهد العالي للدراسات التطبيقية في الانسانيات بسبيطلة
  • المعهد العالي للفنون و الحرف بتطاوين
  • المعهد العالي لعلوم وتكنولوجيا الطاقة بقفصة
  • المعهد العالي للعلوم الإنسانية بجندوبة
  • المعهد العالي للدراسات التطبيقية في الإنسانيات بالكاف
  • المعهد العالي للعلوم الإنسانية بمدنين
  • المعهد العالي للغات بقابس
  • المعهد العالي للدراسات التطبيقية في الانسانيات بالمهدية
آفاق الاختصاص :

– عند التخرج تكون رتبتك : أستاذ تعليم ابتدائي (معلم برتبة أستاذ)

 – مواصلة دراسة الماجستير في عدة  اختصاصات مثل علم نفس الطفل ، علوم تربية.. (يتم التخلي على الوظيفة العمومية أثناء فترة الدراسة) 

 – اجتياز مناظرة  متفقد و مساعد بيداغوجي بعد خبرة 6 أو 8 سنوات في ميدان التعليم .

اختبار القبول في الشعبة :

هو اختبار تقني نفسي حول الثقافة العامة) في اللغة ، الادب التاريخ العلوم التربية البيداغوجيا الحياة المدرسية) لمعرفة قدرة الترشح على:

 – التوصل الى الجواب الصحيح 

الكتابة بشكل سليم

 المشافهة و النطق بالالفاظ 

 التصرف بهدوء و ثقة في النفس 

تمكن الترشح من اللغتين الفرنسية و العربية

   السمع البصر القدرة على الكتابة  : لملاحظة إن كان لدى المترشح عيوب ظاهرة معيقة لمهنة التدريس

-الاختبار قصير لا يتجاوز 15 دقيقة يطرح على المترشح سؤالين أحدهما باللغة العربية و الاخر بالفرنسي و اختبار يعتمد على الثقة في النفي الحجاج و القدرة على اقناع الطرف المخاطب بما تقوله و لا يعتمد على الحفظ 

-يجب الابتعاد عن الخوف و الارتباك ***قد يطلب منك الاساتذة القيام الى السبورة من اجل الكتابة و الغاية امتحان املاءك و خطك ** كما قد يعمد أحد الاساتذة لاستفزازك فمثلا قد يطلب منك الغناء او قص حكاية مضحكة و قصده امتحان ردة فعلك لذلك يجب ان تتحلى بالهدوء 

هام: احرص على ان يكون هندامك لائق بسيط و مهذب

تفاصيل التكوين :

تقرى 3 سنين و تتخرج استاذ تعليم ابتدائي (معلم برتبة استاذ ) . شعبة تقرى فيها كل شي تقريبا : السنة الاولى عندكم المحاور هاذي : محور اللغات (فرنسية ، عربية و انقليزية ) ، محور العلوم ( رياضيات ، علوم الحياة ، فيزياء ) ، محور التربية و الابعاد السيكولوجية ( مدخل الى علوم التربية ، تقنيات التواصل و التنشيط ، علم نفس النمو ، مدخل الى البيداغوجيا و تعلمية المواد )، محور الفنون (خط عربي ، موسيقية ، تشكيلية ) محور الانسانيات و الاجتماعيات ( تاريخ ، جغرافيا ، فلسفة عامة ، تربية اسلامية ) و محور التكوين في المهارات الافقية( اعلامية و حقوق الانسان ) فما مواد موجودة في سداسية واحدة.

 بداية مالعام الثاني تبداو في الستاج ، السداسية الاولى في السنة الثانية تعملو جمعتين في المدارس جيست تحضر درس شاهد و بعد تحللوه مع المتفقد و السداسية الثانية تعملو 3 جمعات ستاج تحضرو درس شاهد كيف العادة و بعد تقدموا درس مع معلم و تاخو بلاصتو و تقري نشاط تعليمي لقسم معين.. السنة الثالة فيها شهر  ستاج و لحد الان ما نعرفوش كان باش يقع تقسيمها على سداسيتين و لا نقراو السداسية الاولى و نخرجو ستاج السداسية الثانية . كل المواد ضارب 1 مافماش فرق بيناتهم . لكن في السنة الثالثة ماشين نحو التغيير في الضوارب و كان فما حاجة رسمية نوافيوكم باها **فما حاجة لازمكم تعرفوها انو وحدة العلوم و وحدة اللغات فيهم عدد اقصائي يساوي 8 ، معناها باش تنجح لازمك تجيب معدل عام 10 او اكثر و لازم في نفس الوقت في كل سداسية معدلك في محور اللغات 8 او اكثر و في وحدة العلوم كيف كيف . نزيد نوضحلكم إذا تجيب حتى معدل 16 في السداسية و تجيب في وحدة اللغة أو العلوم 8 أو أقل من 8 فإنك طيح كونترول و تعاود تعدي آخر العام مواد الوحدة لي طايحة تحت 8 . إذا هزيتها تنجح إذا ما هزيتهاش دوبل طول حتى و كان معدلك فوق 10. نفس شي بالنسبة لستاج ، إذا تجيب ف ستاج أقل من 10 دوبل ديراكت . **نعديو كيف الفاكات الكل des DS (devoirsr surveillés =devoir de contrôle ) يكونو في القرايا يعني تقرا و تعدي في نفس الوقت يعني كيما دفوارات الكوترول في الليسا و في اخر السداسية نعديو les examens الي يبداو مسبوقين بفترة مراجعة و تعديهم وحدهم . ***في ما يخص الانتداب قطاع التعليم ناقص برشا معلمين و هذا ما ينجم ينكرو حد و الدولة بيدها استعرفت و هذاكا علاه عملت الشعبة هذي باش ماعادش يصير انتداب لناس من مش مالاختصاص اما رغم هذا ما فما حتى ضمان يخلينا نقولو انو الانتداب مباشر لكل خريجي الشعبة هذي خاصة مع الوضع الاقتصادي الي تعيشو البلاد لكن بالأخير بش تخدم لأنو قطاع ناقص 12 ألف معلم و فما مدارس بلا أساتذة أصلا ، لكن هل نخدمو الكل ضربة وحدة أو الوزارة تقسمنا دفعات دفعات و الأولوية للمتميزين هذا ما نعرفوش

(حسب تجربة الطالبة في شعبة التربية و التعليم ‘ملكة مسعودي’)